දුර ඈතක මගේ අම්මා
පාන්දරම අවදිවෙලා
බත් රසමුසු තම්බාලා
පුoචි අපව අවදි කරලා
නුබ වෙහෙසුනා අම්මේ
තේ කෝප්පේ ලගට ගෙනත්
පුoචි නළල අතගාලා
ආදරයෙන් අප ලෑස්ති
කළානේ අම්මේ
එහෙට මෙහෙට දුව පැනලා
පුoචි අපිව ආදරයෙන්
පාසල වෙත හැරලූවේ
ඔබයිනේ අම්මේ
කඩිමුඩියෙ ගෙට දුව විත්
බත් මුලකුත් ලෑස්ති කොට
තාත්තාව පිටත් කළේ
ඔබනේ අම්මේ
ඒ එක්කම හරි කලබලේ
අනිත් බත් මුලත් අරගෙන
ගේ දොරගුලු හොදින් දමා
ගියේ ඔබ අම්මේ
මහපාරේ බස් අස්සේ
ඔෆිසියේ ලිපි අස්සේ
හැප්පි හැප්පි
මහා යුද්ධය කාළානේ අම්මේ
හවසට නිවසට ඇවිල්ලා
බුදු සාදුට පහන තියලා
නමෝ තස්ස අපිත් එක්ක
කිව්වනේ අම්මේ
ආදරයෙන් හිස අත ගා
ගණන් අකුරු කියාලා දී
රෑ කෑමත් රසට අනා
කැව්වනේ අම්මේ
දවසේ යුද්ධය අහවර
කරළා රෑ දෙගොඩහරියේ
රිදෙනවාද ඇග අත පය
මගේ සුදු අම්මේ
හෙට උදේට අවදිවෙන්න
නොහැරවුනොත් හෙට උදේට
බෙහෙත් පෙත්ත බී සිටියේ
බියටද අම්මේ
අපි වෙනුවෙන් වෙච්ච වෙහෙස
දරාගත්තෙ බැරිවද ඔබ
ඒ හින්දද අපිව දාලා
ගියෙ මගෙ අම්මේ
අසනීපව ලෙඩ ඇදේ සිට
වින්දා දුක මහමෙරක්ය
ඉවසගන්න බැරිවද නුඹ
ගියේ සුදු අම්මේ
අම්මගේ සුදු දෝණි මෙහෙම
තනිකරලා දුර යන්නට
හදා ගත්තේ කොහොමද හිත
මාගේ අම්මේ
වෙහෙස වැඩි නම් අම්මේ
මෙතරම් ඇයි වෙහෙස වුණේ
තනිකම නම් හරි බොහොමයි
එන්නකෝ ආයිත් අම්මේ
නෑ මිතුරන් ගෙට ඇවිල්ලා
ඔබට මොකද උනේ අසයි
නැවත නැවත මතක් කරලා
හිත වෙහෙසයි මගේ අම්මේ
ඔබ ගියාය කියලා මට
හිතාගන්න බෑ අම්මේ
මගේ ලගට නොපෙනි ඔබ
එනවා නේද සුදු අම්මේ
ලබන භවයේ මෙහෙම නොවී
මා සමගින් සැමදාමත්
ඉන්නවාය නේද සදා
ආදර අම්මේ
ඔබේ සුවද මට මතකයි
ඔබේ රූපය මැවිලා පෙනෙයි
කරුණාබර සෙනෙහෙ ඔබයි
මගේ සුදු අම්මේ
මෙතේ බුදුන් දැක දිනයක
නිවන් පුරයේ ඔබ යන තෙක්
මගේම සුදු අම්මා වී
හිදින්න අම්මේ
0 comments:
Post a Comment