තරහා වෙලා
පැත්තකට වී චූටි දෝණී
මූණ ඇද වෙලා සද්දේ අඩු වෙලා
අම්මා එක්කලා තරහ වීලද
මොකෝ මේ අද නිහඩ වීලා
අම්මා ආදරේ අක්කටයිලු
චූටී දෝණිගේ හිත රිදීලලු
රෝස කම්බුල් රතු වෙලාලූ
අම්මටත් දැන් හරි දුකයිලූ
චූටි දෝණිගේ සිනා මැකිලා
නිවස පාළුයි නොවේදෝ
පුoචි ටෙඩියාව විසික් කරලා
චූටි දෝණී කොහෙදෝ
බෝනිකිත්තා බෝනිකිත්තා
කියා සැම තැන දුවාපු
චූටී දෝනී පැත්තකට වී
ඇයි තරහ මේ කියන්නෝ
අම්මා අක්කගේ පොතක් කියවලා
එකදෝ මේ හරි වැඩේ
ඔයාගේ පොඩි අක්කනේ අනේ
අහන්නකෝ මගෙ වස්තුවේ
ඕනේ නෑ මට තරහමයි මම
හරිම නලකයි කියලා
චූටී දෝණී තාම පැත්තක
කදුලු ඇස් අග පුරවලා
අම්මා කුක්කූ ඕනේ කාටද
අම්මා ඇහුවා ලන්වෙලා
චූටී දෝණිගෙ පුoචි මුහුණේ
ඇදුනා ලස්සන මල් හිනා
ඕනේ නෑ මට ඕනේ නෑ මට
බිම හැපීලා කියාලා
මෙන්න කාටත් හොරෙන් ඇවිදින්
තුරුල් වීලා හිනහිලා
රණ්ඩු අල්ලලා හරිම වෙහෙසයි
චූටී මූණත් මැලවිලා
අනේ කාටත් හොරා රහසෙම
චූටී දූ නිදි ගිහිල්ලා...
0 comments:
Post a Comment