බේබද්දා
ගෙදර ගෑණි හමබකරන
තුට්ටු දෙකත් උස්සාගෙන
මේ බේබදු මහත්තයා
ගියා රේස් කොළ අදින්න
පරාද වෙලා තුට්ටු දෙකත්
කසිප්පු තිප්පොළට ගිහින්
ණයවෙලා රුපියල් සීයක්
බෝතල් බාගයක් ගත්තා
බෝතල් බාගෙම බීලා
තව සීයක් ණය වීලා
ගත්තා තව බාගයක්ම
බිව්වා බිව්වා ඇති වෙනකම්
රෑ එකොළහ පහුත් වෙලා
ගෙදර යන්න ලෑස්ති වෙලා
හතරගාතේ පැද්දි පැද්දි
බේබද්දා මග යනවා
පාර අයිනේ ගහක් දැකලා
ගෙදරය මේ රැවටීලා
ගෙදර ගෑණී කියා සිතා
ගහටත් දෙක තුනක් ඇන්නා
ගහ අයිනෙම දෙකට නැවිලා
හතරගාතේ පත බෑවිලා
මහ හයියෙන් ගොරොව ගොරව
බේබද්දා නිදියනවා
සිහියක් නෑ බේබද්දට
සරම් කොටය දණහිස් ලග
හූ කියනවා කෙල්ලෝ කොල්ලෝ
ගානක් නෑ මේ මිනිහට
එක කොල්ලෙක් දුව ගිහිල්ලා
මිනිහගේ අඹු එක්ක විල්ලා
රෙද්ද උස්සා දුවගෙන එන
ගෑණිට මළ යකා නැගලා
අනේ හපොයි මේ මිනිහා
විළිලැජ්ජයි දකිනු මෙලසා
කුණුහරුපෙන් දෙකක් කියලා
ගැණී ඇදන් යනවා මිනිහා
ගෙදර ගිහින් වැල් ඇදඋඩ
පතබෑවුන බේ බද්දා
ගෑණිගේ කෑගැහිලි අහන්
ආයිත් ගොරවනවා මිනිහා
ලැජ්ජා නැද්ද මේ මිනිහට
දීග වයසේ කෙල්ලෝ ඉද්දි
පොඩි එවුන්ගේ බඩගෙඩි ටික
පොත්ත ගැහිලා ගානක් නෑ
ලෝකෙ පෙරලුනත් ගානක්
ඇත්තේ නෑ බේ බද්දට
බීලා බීලා මැරිලා පල
සාප දෙනවා උගේ අඹුවද
නහර වැලුත් ඉලිප්පලා
අකලට ගෑණීත් මැලවිලා
ඒ ගෑණිත් කරුම කරලා
ලැබුමට මේ බේ බද්දා
0 comments:
Post a Comment